Rusiyadakı cütlüklər dəbdəbəli toylardan kütləvi şəkildə imtina edirlər.

Axar.az xəbər verir ki, bu barədə rus mediası məlumat yayıb.

Məlumata görə, əsas səbəb qiymətlərin artmasıdır:

“İnsanlar getdikcə dəbdəbəli şənlikləri ləğv edir və özlərini şam yeməyi ilə məhdudlaşdırırlar. Səbəb sadədir: yeni evlənənlərin dəbdəbəli şənlik üçün pulu yoxdur.

Cəmi bir neçə il əvvəl adambaşına orta ərzaq xərci aylıq 5000-7000 rubl (110-154 manat) idisə, indi bu rəqəm 8000-10000-dir (176-220 manat). Təşkilatçıların fikrincə, sözün əsl mənasında hər şey bahalaşıb. Bir çox vacib toy xərcləri ən azı ikiqat artıb. Dekorasiya isə bütün rekordları qırıb - onun dəyəri dörd il ərzində 650% artıb”, - məlumatda bildirilib.