ABŞ Prezidentinin Suriya üzrə xüsusi nümayəndəsi Tom Barrak Nuri əl-Malikiyə İraq baş nazirliyinə namizədliyindən imtina etməsini ciddi şəkildə tövsiyə edib.

Axar.az xəbər verir ki, bu barədə “Al-Hadat” məlumat yayıb.

Mənbələrin məlumatına görə, Bağdadda Barrak və Maliki arasında keçirilən görüş zamanı Trampın xüsusi nümayəndəsi ona baş nazirliyə namizədliyini geri götürməsinin vacibliyini bildirib.

Barrakı həmçinin İraqın hazırki baş naziri Məhəmməd əs-Sudani də qəbul edib.

Bildirilib ki, Barrak Sudanini Vaşinqton nümayəndələrinin Maliki ilə heç bir şəxsi problemi olmadığına əmin edib.

Qeyd edək ki, ABŞ Prezidenti Donald Tramp iranyönlü hesab edilən Nuri əl-Malikinin yenidən baş nazir olacağı təqdirdə İraqa yardım etməyəcəyi ilə bağlı xəbərdarlıq etmişdi.