Yunanıstan adanın təhlükəsizliyini gücləndirmək üçün Kiprə 2 freqat və 2 ədəd F-16 qırıcısı göndərir.

Axar.az xəbər verir ki, bunu Yunanıstan müdafiə naziri Nikos Dendias deyib.

O bildirib ki, qərar Baş nazir Kiriakos Miçotakisin Kipr Prezidenti Nikos Xristodulidislə məsləhətləşmələrindən sonra qəbul edilib.

Müdafiə naziri həmçinin vurğulayıb ki, fəaliyyətin koordinasiyası üçün Baş Qərargah rəisi ilə birgə Nikosiyaya yollanacaq:

“Afina ABŞ və İsrailin İrana zərbələrindən sonra Yaxın Şərqdə vəziyyətin gərginləşməsi fonunda təhlükəsizlik tədbirlərini gücləndirir”.

Qeyd edək ki, ötən gün İran Kiprdəki Britaniya hərbi bazalarına iki raket atıb.