İspaniya ABŞ-a özünün Kadis və Sevilyadakı hərbi bazalarından İrana qarşı istifadə etməyə icazə verməyib.

Axar.az xəbər verir ki, bu barədə İspaniyanın xarici işlər naziri Xose Manuel Albares məlumat verib.

“Hərbi bazalar heç vaxt ABŞ-la razılaşmada nəzərdə tutulmayan və ya BMT-nin Nizamnaməsinə uyğun olmayan hər hansı bir əməliyyat üçün istifadə olunmayacaq”, – Albares qeyd edib.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.

İran cavab olaraq ABŞ-ın bölgədəki hərbi bazalarına və İsrailə zərbələr endirir.