07:25

İsrail Hərbi Hava Qüvvələri Tehrandakı hədəflərə yeni genişmiqyaslı hücumlara başlayıb.

Axar.az xəbər verir ki, bu barədə İsrail Müdafiə Qüvvələri məlumat verib.

***

İsrail Müdafiə Ordusu İranın mərkəzi hissəsində, Tehranda hərbi infrastruktura növbəti zərbələr endirib.

Bu barədə ÇAXAL-ın mətbuat xidməti məlumat yayıb.

Bildirilib ki, zərbələrin endirilməsinə İsrail Hərbi Hava Qüvvələrinin 80-dən çox qırıcısı cəlb olunub.

Əməliyyat zamanı qırıcılar 230-a yaxın döyüş sursatı ataraq SEPAH-ın "İmam Hüseyn" adına Mərkəzi Hərbi Universiteti də daxil olmaqla, bir neçə hədəfi vurub.

İsrail tərəfinin məlumatına görə, obyekt SEPAH-ın ehtiyat bazası və yığım kompleksi kimi, eləcə də müxtəlif bölmələrin yerləşdirilməsi üçün istifadə olunurdu:

"Universitetdə İran rejiminin hərbi qüvvələrinə adi və fövqəladə şəraitdə xidmət edən obyektlər yerləşirdi. Orada raket bölməsinin bunkerləri və İsrail Dövlətinin ərazisinə raketlərin buraxılması üçün nəzərdə tutulmuş buraxılış infrastrukturu olan anbarı var idi".

Bundan əlavə, ballistik raketlərin yeraltı saxlama və istehsal obyektinə zərbə endirilib.

Qeyd olunur ki, burada İran silahlı qüvvələrinin yüzlərlə hərbi qulluqçusu olub. Onun ərazisində bunkerlər və komanda mərkəzləri yerləşirdi.

Bundan başqa, İsrail qüvvələri öz ərazisinin atəşə tutulmasını azaltmaq məqsədilə İranın qərb və mərkəzi hissəsinin bir neçə rayonunda raketlərin buraxılış mövqelərinə hücum edib.

***

İranın paytaxtı Tehranda güclü partlayış səsləri eşidilir.

Bu barədə İranın dövlət televiziyası məlumat yayıb.

Bildirilib ki, partlayışlar İran paytaxtının bir neçə rayonunda eşidilib, lakin hansı rayonların zərər çəkdiyi dəqiqləşdirilməyib.