Rusiya Baş Kəşfiyyat İdarəsinin agentləri seçkilərə təsir etmək üçün Macarıstana gəlib.

Axar.az xəbər verir ki, bunu Macarıstanın müxalif “Tizsa” partiyasının lideri Peter Madyar deyib.

“Rusiya Baş Kəşfiyyat İdarəsinin agentləri bir neçə həftə əvvəl Budapeştə, ötən il Moldovada olduğu kimi, eyni missiya ilə - seçkilərə təsir göstərmək üçün gəliblər. Çökmək üzrə olan bir hökumətin xarici müdaxilə yolu ilə Macarıstan seçkilərinə təsir göstərməyə çalışması tamamilə görünməmiş bir haldır. Viktor Orbanı bu hərəkəti dərhal dayandırmağa və Macarıstana diplomatik himayə altında gələn Rusiya gizli agentlərini ölkədən çıxarmağa çağırıram”, - Madyar bildirib.