AB Komissiyasının üzvü Günter Ettinger Türkiyə ilə bağlı qalmaqallı açıqlama verib.

Axar.az xəbər verir ki, alman siyasətçi Türkiyənin AB üzvlüyünə yalnız Rəcəb Tayyib Ərdoğan prezident postundan getdikdən sonra baxılacağını deyib.

"Bild" qəzetinə danışan Ettinger yaxın 10 ildə Türkiyənin AB-yə üzv olmayacağını qeyd edib:

"AB mövzusu Türkiyə üçün böyük ehtimalla Ərdoğandan sonrakı müddətdə gündəmə gələcək. Hazırki şərtlər altında üzvlük gələcək 10 ilə qədər real görünmür".

Ettinger bütün bunlara baxmayaraq, Türkiyənin AB üçün geostrateji və iqtisadi baxımdan önəmli bir ölkə olaraq qalacağını bildirib.