Ermənistanın AB-yə daxil olması tamamilə mümkündür. Polşa Ermənistanı Avropa Birliyi ilə daha sıx inteqrasiya yolunda və iqtisadi əlaqələrin genişləndirilməsində dəstəkləməyə hazırdır.

Axar.az xəbər verir ki, bu barədə Polşa Xarici İşlər Nazirliyinin dövlət katibi Marçin Bosaçki deyib.

“Eyni zamanda, Varşava ticarət, investisiya, müdafiə və təhlükəsizlik sahələrində ikitərəfli əməkdaşlığın inkişaf etdirilməsində maraqlıdır.

Ermənistan və Polşa eyni dəyərləri bölüşür. Söhbət demokratiyadan, suverenlikdən, eləcə də xalqların öz ölkələrinin gələcəyini müstəqil şəkildə müəyyən etmək hüququna sadiqlikdən gedir.

Biz, AB-nin nüfuzlu üzvü kimi, həqiqətən də Ermənistana Qərb institutlarına qoşulmaq istəyini həyata keçirməyə və Polşanın 20-25 il əvvəl keçdiyi - Avropa Birliyinə üzv olduğu yolu davam etdirməyə kömək etməyə çalışırıq”, - o bildirib.