“Barselona”nın hücumçusu Lamin Yamalın atası sosial media hesabında təxminən 2024-cü ilə aid bir video paylaşıb.

Axar.az Publika.az-a istinadən xəbər verir ki, videoda “Barselona”nın keçmiş oyunçusu Lionel Messi o vaxt 17 yaşı olan Yamala müraciət edib.

Video “Adidas” kampaniyasının bir hissəsi olaraq qeydə alınıb. Messi şəxsən Yamalı xüsusi ayaqqabı kolleksiyası geyinmək imkanı verilən 10 gənc futbolçudan biri kimi seçib.

Messi videoda bildirib: “Salam, Lamin, 2024-cü ildə cəmi 10 oyunçunun geyinəcəyi yeni futbol buts kolleksiyasını təqdim edəcəyik. Və mən sənin də bu oyunçulardan biri olmağını istərdim. Sənə ən xoş arzularımı çatdırır və peşəkar karyeranda uğurlar arzulayıram”.