ABŞ xarici siyasətə yanaşmasını dəyişərək artıq xeyirxah hegemon olmaqdan çıxıb və daha gözlənilməz mövqe tutub.

Axar.az xəbər verir ki, bunu Finlandiya Prezidenti Aleksandr Stubb deyib.

“Hesab edirəm ki, hazırda ABŞ-ın xarici siyasətində fərqlər var. Fərq ondadır ki, ABŞ xeyirxah hegemon olduğu dövrlərdə Liviya, İraq və Əfqanıstan məsələlərində əvvəlcə müttəfiqləri ilə məsləhətləşirdi, həmçinin BMT Təhlükəsizlik Şurasının təsdiqini almağa çalışırdı. Əgər bu mümkün olmasa, yenə də müttəfiqləri ilə birlikdə hərəkət edirdi.

ABŞ İranla bağlı əməliyyatı müttəfiqləri məlumatlandırmadan İsraillə birlikdə həyata keçirib”, - Stubb qeyd edib.