28 mayda, Ermənistanın Birinci Respublika Günündə İrəvanın Respublika Meydanında hərbi parad keçiriləcək.

Axar.az xəbər verir ki, bu sözləri Ermənistanın Baş naziri Nikol Paşinyan mediaya açıqlamasında deyib.

O, bunu paraddan daha çox "Ermənistan vətəndaşlarına hesabat" kimi xarakterizə edib.

Paşinyan iddia edib ki, bu, vətəndaşlar üçün təsirli bir mənzərə olacaq:

“Parad çox incə bir hadisədir və sülh gündəliyinin rədd edilməsi təəssüratı yarada bilər. Buna görə də biz beynəlxalq tərəfdaşlarla, o cümlədən regional ölkələrlə işləməyə davam edirik ki, onların bunu sülh gündəliyinin rədd edilməsi kimi qəbul etməmələrini təmin edək”.

Qeyd etmək lazımdır ki, müstəqil Ermənistanda hərbi paradlar beş ildən bir və yalnız müstəqillik günündə keçirilirdi. Sonuncu parad 21 sentyabr 2016-cı ildə baş tutub.