Dünya artıq geri dönüş nöqtəsinə çatıb və artan regional gərginlik 2026-cı ildə qlobal fəlakətə səbəb ola bilər.

Axar.az xəbər verir ki, bu sözləri tanınmış tarixçi və analitik, “Çinli Nostradamus” kimi tanınan Jiang Xueqin deyib.

Analitik hesab edir ki, mümkün böhranın əsas mərkəzi İran olacaq. İran ABŞ-la birbaşa hərbi toqquşmaya girmək əvəzinə, qlobal enerji və su infrastrukturunu hədəf alan strategiya seçəcək. Bu isə dünya üzrə qiymətlərin kəskin artmasına səbəb ola bilər.

Həmçinin qeyd olunur ki, Hörmüz boğazının bağlanması nəticəsində gəmiçilik trafiki 75% azalacaq. Bu halda neftin qiyməti bir barrel üçün 180 dollardan yuxarı qalxa, Avropada təbii qazın qiyməti isə 60% arta bilər.

Onun fikrincə, yanacaq və gübrə qiymətlərinin bahalaşması qlobal ərzaq təhlükəsizliyi böhranına gətirib çıxara bilər. Beləliklə, müharibənin təsirləri yalnız döyüş meydanında deyil, gündəlik həyatımızda, supermarketlərdə də hiss olunacaq.

Qeyd edək ki, Jiang Xueqinin 2024-cü ildə səsləndirdiyi bəzi proqnozların gerçəkləşməsi onun “peyğəmbər” kimi tanınmasına səbəb olub. O, hələ Co Baydenin prezident olduğu və Donald Trampın seçki kampaniyasına yeni başladığı dövrdə “İran azadlığı əməliyyatı” adlı geniş ssenari də hazırlamışdı.