Rusiya Baltikyanı ölkələrin Ukrayna Silahlı Qüvvələrinin PUA-ları üçün hava məkanını açmaq qərarı ilə bağlı xəbərdarlığı görməzdən gələcəkləri təqdirdə, onlara cavab verəcək.

Axar.az xəbər verir ki, bu bəyanatı Rusiyanın Xarici İşlər Nazirliyinin rəsmi nümayəndəsi Mariya Zaxarova KİV-də Baltikyanı ölkələrin Ukrayna pilotsuz aparatlarının Rusiyaya qarşı hücumlar həyata keçirməsi üçün öz hava məkanını açdığı barədə yayılan məlumatları şərh edərkən səsləndirib.

Onun sözlərinə görə, bu dövlətlərə artıq müvafiq xəbərdarlıq göndərilib:

“Əgər həmin ölkələrin hakimiyyətləri ağıllı yanaşma nümayiş etdirsələr, bu xəbərdarlığa qulaq asacaqlar. Əks halda isə onlar cavab tədbirləri ilə üzləşməli olacaqlar”.