Xaricdə yaşayanlar atəşkəs barədə xəbəri məndən tez öyrəndilər.

Axar.az xəbər verir ki, bunu İran Prezidenti Məsud Pezeşkanın oğlu və onun müşaviri Yusif Pezeşkian yazıb.

O, atəşkəs barədə razılıq əldə edilənə qədər özü və yaxın çevrəsinin bundan xəbəri olmadığını, bu barədə xaricdə yaşayan monarxiya tərəfarlarından biri vasitəsilə məlumat əldə etdiyini bildirib:

“Gecə saat 12-ni keçdi və 19 fərvərdininə (8 aprel), müharibənin 40-cı gününə daxil olduq. Sosial şəbəkələrdə mesajları yoxlamağa başladım. Gördüm ki, yeni tanış olduğumuz xaricdə yaşayan bir monarxiya tərəfdarı həmvətən mesaj yazıb: “İki həftəlik atəşkəs elan olunub” və Ağ Evin bəyanatını mənə göndərdi… Öz-özümə fikirləşdim, mən necə prezident oğluyam ki, xaricdə yaşayan bir monarxiya tərəfdarı atəşkəs xəbərini məndən tez öyrənib…”