Avropa Birliyinin xarici işlər nazirləri Lüksemburqda keçiriləcək iclasda İsraillə Assosiasiya Sazişinin dayandırılması məsələsini müzakirə edəcək.

Axar.az xəbər verir ki, bu barədə İspaniyanın RTVE telekanalı məlumat yayıb.

Bildirilib ki, İspaniya, İrlandiya və Sloveniya İsrailin Fələstin və Livandakı addımlarını əsas gətirərək, insan hüquqları və beynəlxalq hüquqa zidd hesab edilən hərbi və qanunvericilik qərarlarına görə sazişin dayandırılmasını tələb edir:

“İsrailə ticarət üstünlükləri verən bu sazişin ləğvi və ya dondurulması barədə qərar AB-yə üzv dövlətlərin yekdil razılığı ilə qəbul edilməlidir”.