İsrail yeni qırıcı eskadrilyaların qurulması üçün milyardlarla dollarlıq planı təsdiqləyib.

Axar.az xəbər verir ki, bu barədə CNN məlumat yayıb.

Kanalın məlumatına görə, İsrail hakimiyyəti F-35 və F-15İA qırıcılarını əhatə edəcək iki yeni qırıcı eskadrilyasının alınması planlarını təsdiqləyib.

"İrana qarşı kampaniya zamanı əldə olunan əməliyyat təcrübəsi bizdən hərbi gücün artırılmasını sürətləndirməyi tələb edir. Missiyamız aydındır: düşmənlərimizdən öndə olmaq", - İsrail müdafiə naziri İsrail Katz bildirib.

Katz qeyd edib ki, eskadrilyaların yaradılması ölkəni qorumaq üçün 350 milyard şekel (118,9 milyard dollar) dəyərində hərbi quruculuq planının ilk addımıdır.