Rusiya Prezidenti Vladimir Putin yaratdığı sistem üzərində nəzarəti tədricən itirir və Rusiya elitası getdikcə Ukraynaya qarşı müharibədən və Kremlin qərarlarından uzaqlaşır.

Axar.az xəbər verir ki, bunu Rusiyanın keçmiş yüksək vəzifəli məmuru "Ekonomist" jurnalındakı anonim məqaləsində bildirib.

Müəllif iddia edir ki, Rusiyada çıxılmaz siyasi vəziyyət yaranıb, məmurlar, qubernatorlar və iş adamları artıq hökumətin addımlarını birgə layihə kimi qəbul etmirlər. Keçən il onlar müharibədən və Kremlin siyasətindən birgə layihə kimi danışsalar da, indi onları getdikcə daha çox Putinin öz siyasəti adlandırırlar.