10:14

Mayın 14-də Rusiya ordusu Kiyevə raket və PUA-larla kütləvi zərbələr endirib.

Axar.az xəbər verir ki, bu barədə Ukrayna mətbuatı məlumat yayıb.

Məlumata görə, şəhərə PUA, ballistik və qanadlı raketlərlə zərbələr endirilib. Şəhərin 7 rayonunda dağıntı və yanğınlar qeydə alınıb.

Bildirilib ki, zərbələr nəticəsində 1 nəfər ölüb, 31 nəfər isə yaralanıb.

Paytaxtın Darnitski rayonunda yaşayış evi çöküb, dağıntılar altında qalanlar var.

***

Rusiya ordusunun Kiyevə raket və PUA-larla kütləvi zərbələri nəticəsində yaralıların sayı 40-a çatıb.

Bu barədə Kiyev meri Vitali Kliçko məlumat verib.

Onun sözlərinə görə, yaralanların ikisi uşaqdır.

***

Rusiyanın gecə hücumu nəticəsində Kiyevdə 5 nəfərin öldüyü məlumdur.

Bu barədə Ukrayna Prezidenti Vladimir Zelenski bildirib.

Onun sözlərinə görə, Kiyevdə 40-a yaxın insan yaralanıb:

“Hazırda Kiyevin Darnitski rayonunda axtarış-xilasetmə əməliyyatı davam edir, 10-dan çox insan itkin düşmüş sayılır”.

***

Rusiyanın Kiyevə hücumu nəticəsində ölənlərin sayı 12 nəfərə çatıb.

Bu barədə şəhər meri Vitali Kliçko Teleqram kanalında məlumat yayıb.

"Tibb işçilərinin məlumatlarına görə, dünən gecə baş verən hücum nəticəsində artıq 12 nəfər ölüb. Onların arasında 15 yaşlı qız da var", - deyə o qeyd edib.

Kliçko xəsarət alanların sayının 57 nəfərə çatdığını, onlardan 27-sinin hazırda xəstəxanada olduğunu dəqiqləşdirib.