Əfqanıstan hakimiyyəti tərəfindən boşanma qaydaları ilə bağlı verilən yeni fərman qadınlara və qızlara qarşı ayrı-seçkiliyi daha da artırır.

Axar.az xəbər verir ki, bu barədə BMT-nin Əfqanıstandakı Yardım Missiyası məlumat yayıb.

“18 nömrəli fərmana əsasən, qadınlar yalnız məhkəmə yolu ilə və məhdud əsaslarla boşanma tələb edə bilərlər, kişilər isə birtərəfli boşanma hüququnu saxlayırlar.

Bu fərman Əfqanıstan qadınlarının və qızlarının hüquqlarının sistematik şəkildə pozulduğu daha geniş və dərin narahatlıq doğuran bir tendensiyanın bir hissəsidir.

Fərmanın müəyyən müddəaları uşaq nikahına effektiv şəkildə icazə verir və həmçinin qızın yetkinlik yaşına çatdıqdan sonra susmasının nikaha razılıq kimi şərh olunmasına imkan verir”, - məlumatda bildirilib.