Böyük Britaniyanın Cənubi Kiprdə “Akrotiri” (Ağrotur) bazası ərazisində 32 yeni hərbi rabitə antenası quraşdırmaq planlarını açıqlaması bölgədə təşvişə səbəb olub.

Axar.az Türkiyə mediasına istinadla xəbər verir ki, yerli əhali də radiasiya tullantıları ilə bağlı narahatlıqlarını əsas gətirərək antenaların quraşdırılmasına qarşı çıxıb.

Bildirilib ki, bu, xərcəngə yoluxma riskini daha da artırır.

Sakinlərin reaksiyasından sonra Kourion Bələdiyyəsi (Sözügedən baza bu ərazidə yerləşir – red.) hüquqi ekspert rəyi tələb edib. Eyni zamanda qeyd olunub ki, problem Avropa İnsan Hüquqları Məhkəməsində də qaldırıla bilər.