Məşhur “Sinaloa” narkokartelinin lideri, "El Çapo" ləqəbli Xoakin Quzman Meksika Prezidenti Klaudiya Şeynbaumdan onu vətəninə - Meksikaya deportasiya etməsini istəyib.

Axar.az xəbər verir ki, bu barədə Meksika mətbuatı məlumat yayıb.

Quzman məhkəməsini ədalətsiz adlandırıb və bildirib ki, Meksikada mütəşəkkil cinayətkarlıqla əlaqəli zorakılığa görə məsuliyyəti Meksika hökuməti daşıyır.

Qeyd edək ki, Quzman 2019-cu ildə narkotik qaçaqmalçılığına görə ABŞ-da ömürlük həbs cəzasına məhkum edilib və hazırda Kolorado ştatının Florensiya şəhərindəki həbsxanada saxlanılır.

“Sinaloa” dünyanın ən böyük narkokartellərindən biri hesab olunur. Qeyri-rəsmi məlumatlara görə, “El Çapo” 14 milyard dollarlıq sərvətə malikdir.