ABŞ Prezidenti Donald Tramp Ankarada keçirilən NATO sammitinə yalnız Türkiyə Prezidenti Rəcəb Tayyib Ərdoğana hörmət əlaməti olaraq qatılacaq.

Axar.az xəbər verir ki, bu barədə CNN mənbələrə istinadən məlumat yayıb.

Vurğulanıb ki, Tramp əvvəllər Türkiyə liderini dost hesab etdiyini bildirmişdi.

Mənbənin sözlərinə görə, ABŞ prezidentinə və onun komandasının üzvlərinə qeyri-rəsmi şəkildə çatdırılıb ki, sammitdə iştirakdan imtina etmək Ərdoğana qarşı hörmətsizlik kimi qiymətləndiriləcək.

Digər tərəfdən, ABŞ lideri əvvəlcədən alyans müttəfiqləri ilə keçiriləcək görüşə şübhəli yanaşırdı. Buna səbəb isə müttəfiqlərin bir çoxunun ABŞ-ı İranla müharibədə dəstəkləməməsindən narazı olmasıdır.

Bu baxımdan, CNN-in mənbələri Trampın "əhval-ruhiyyəsini" nəzərə alaraq sammitin problemsiz keçəcəyinə əmin olmadıqlarını bildiriblər.