ABŞ Prezidenti Donald Trampın administrasiyası qanunla tələb olunan 45 günlük əvvəlcədən bildiriş prosesinə başlayaraq Suriyanı “Terrorizmin sponsoru olan dövlətlər” siyahısından çıxarmaq niyyətini ABŞ Konqresinə rəsmi olaraq bildirib.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, qərardan sonra Suriyanın xarici işlər naziri Əsəd Həsən Şeybani Suriya tarixində qaranlıq bir fəslin bağlandığını bildirib və keçmiş rejim səbəbindən 1979-cu ildən bəri qüvvədə olan “Terrorizmin sponsoru olan dövlət” təsnifatının çıxarıldığını elan edib.

Bu açıqlamadan sonra Suriya Prezidenti Əhməd əş-Şara və Əsəd Həsən Şeybani Trampın göndərdiyi məktubla şəkil çəkdiriblər.