İran ABŞ-ın mümkün razılaşma pozuntusu halında ölkənin tammiqyaslı müdafiəsinə hazır olduğunu bəyan edib.

Axar.az xəbər verir ki, bu barədə İran parlamentinin sədri Məhəmməd Bağır Qalibaf bildirib.

Onun sözlərinə görə, Tehran ABŞ-a etibar etmir və danışıqlar zamanı bu mövqe açıq şəkildə qarşı tərəfin diqqətinə çatdırılıb:

“Yalnız müharibəyə hazır olanlar ABŞ ilə danışıqlar apara bilər. Buna görə də biz ölkəmizi müdafiə etməyə hazırlığımızı heç vaxt dayandırmamışıq. Amerikalılar əldə olunmuş razılaşmaları pozan kimi, biz tammiqyaslı müdafiəyə hazır olacağıq, onlara qarşı qətiyyətlə çıxacağıq və İran xalqının hüquqlarına hörmət edilməsini təmin edəcəyik”.