Dövlət Dumasına keçirilən seçki kampaniyasına son qoyuram, indi heç olmasa, sağ qalacağıma ümid edirəm.

Axar.az xəbər verir ki, bunu rusiyalı müxalif siyasətçi Boris Nadejdin Teleqram kanalında yazıb.

“Onlar məni susdurur, siyasətdən sıxışdırır və həyatımı çox çətinləşdirirlər. Mənə hücum edə bilən hər kəs hücum etdi: Ədliyyə Nazirliyi məni “xarici agent”, Daxili İşlər Nazirliyi və məhkəmə “ekstremizmin təbliğatçısı” adlandırdı, Federal Məhkəmə İcraçıları Xidməti xaricə səyahət etməyimi qadağan etdi, Əmanətlərin Sığortalanması Agentliyi və Arbitraj Məhkəməsi isə məni müflis elan etdi. Seçki qanunvericiliyinə görə, ekstremizmdə və xarici agentdə təqsirli bilinmək şəxsin Dövlət Dumasına seçilməsinə mane olur. Mənim üçün Rusiyada müxalifət siyasətində qanuni şəkildə iştirak etmək imkanları tükənib. Ümid edirəm ki, bu, müvəqqətidir. Mənə dəstək olan və seçki kampaniyasında iştirak edən insanları — ailəmi, qərargahımı, imzatoplayıcılarımı, tərəfdarlarımı təhlükəyə atmağa hazır deyiləm. Topladığımız yüzlərlə imzanı seçki komissiyasına təqdim etməyəcəyik. Seçki hesabına toplanan vəsait kollektorlara və qərargah işçilərinə maaş ödəmək üçün istifadə olunacaq, nəticələr barədə məlumat verəcəyəm”, - o bildirib.