Bu gün Rusiya raket proqramlarından imtina etməsə də, əsas diqqəti zərbə PUA-larına yönəldib.

Axar.az xəbər verir ki, bu barədə Ukrayna Silahlı Qüvvələrinin baş komandanının müavini Andrey Lebedenko deyib.

Onun sözlərinə görə, ruslar raketlərini təkmilləşdirməyə davam edirlər, lakin iqtisadi çətinliklər səbəbindən onların istehsal həcmini azaldıblar.

Eyni zamanda, Lebedenko qeyd edib ki, qarşı tərəfin əsas prioriteti yeni modifikasiyalı "Şahid" PUA-larının, eləcə də rabitə və naviqasiya sistemləri olmayan kiçik dronların istehsalıdır. Qarşı tərəf istehsalda kəmiyyətə deyil, keyfiyyətə üstünlük verməyə başlayıb.

“Ruslar hazırda dənizçilik sektorunda kifayət qədər aktivdirlər, çünki bizim onların donanmasını dronlarımızla necə məğlub etdiyimizi görüblər. Və bu gün onlar itirilmiş vaxtı kompensasiya etməyə çalışırlar”, - o əlavə edib.

O vurğulayıb ki, avtonom, yüksək manevr qabiliyyətinə malik və radioelektron mübarizə vasitələrinin təsirinə davamlı dronlar yaxın gələcəkdə qarşı tərəfin əsas üstünlük verəcəyi silah növü olacaq.