Rusiya Prezidenti Vladimir Putin ordunun şəxsi heyətinin sayının 2.426.130 nəfərə çatdırılması barədə fərman imzalayıb. Hərbçilərin sayı 1.510.000 nəfərdən 1.535.000 nəfərə çatıb.

Axar.az xəbər verir ki, Putinin fərmanı avqustun 1-dən qüvvəyə minəcək.

Sənəddə dəyişikliklərin Rusiya Silahlı Qüvvələrində hərbi-tikinti bölmələrinin yaradılması ilə əlaqəli olduğu bildirilir.

Ordunun icazə verilən sayının (2.399.130 nəfərə qədər) artırılması ilə bağlı əvvəlki fərman təxminən bir ay əvvəl imzalanmışdı.

Bu, son altı ayda ordunun sayında üçüncü dəyişiklikdir. Əvvəlki iki fərman 2026-cı ilin mart və iyun aylarında imzalanıb.

Ümumilikdə isə Putin Ukrayna müharibəsi başlayandan bəri ordunun şəxsi heyətinin sayını altıncı dəfədir ki, artırır.