Hər şey indiki kimi davam edəcək. Yəni, fundamental bir şey yoxdur. Gördük ki, ən vacib şey rusların dəniz yollarımızı daha fəal şəkildə bağlamağa başlamasıdır. Və bu, problemdir. İndi "Böyük Odessa"nın praktik olaraq rəsmi blokadası var.

Axar.az xəbər verir ki, bunu Ukraynanın pilotsuz təyyarə bölmələrinin komandiri və Hava Kəşfiyyatı Dəstək Mərkəzinin təsisçisi İqor Lutsenko ölkəsinin son vaxtlar Rusiya ərazilərinə effektiv zərbələr endirməsini şərh edərkən deyib.

“Düşünürəm ki, Rusiya dəniz nəqliyyatına qarşı da müəyyən aktiv tədbirlər görüləcək. Çünki burada itirəcək bir şeyimiz yoxdur. Onlar artıq mümkün olan hər şeyi ediblər. Bayrağından asılı olmayaraq, bizə gəlib-gedən istənilən gəmiyə hücum edirlər”, - o bildirib.

Qeyd edək ki, Ukrayna PUA-larının Rusiya ərazilərinə kütləvi zərbələrindən sonra qarşı tərəf Qara dənizdə Ukrayna limanlarına yan alan gəmilərə hücumları artırıb.