Çin və Hindistan Himalay dağlarında nəzarət-buraxılış məntəqəsi açaraq, bölgədə ticarəti yenidən bərpa edib.

Axar.az xəbər verir ki, bu barədə "South China Morning Post" məlumat yayıb.

"Dəniz səviyyəsindən 4310 metr yüksəklikdə Hindistanın Sikkim ştatını Çinin Tibet bölgəsi ilə birləşdirən ucqar sərhəd ticarət məntəqəsi olan Natxu La aşırımı 2020-ci ildən bəri ilk dəfə yenidən ticarət üçün açılıb. Çin və Hindistan arasında marşrutun bərpası Sikkimdəki tacirlər üçün gəlir mənbəyinin yaranması deməkdir. Qlobal səviyyədə bu, iki nüvə silahına malik qonşu dövlət arasında münasibətlərin geniş şəkildə yenidən qurulması deməkdir", - məlumatda deyilib.