İyulun son 10 günü ərzində rusiyalılar Pavloqrada idarəolunan aviasiya bombalarından istifadə etməklə üç dəfə zərbə endiriblər.

Axar.az xəbər verir ki, bu barədə “Militari" nəşri məlumat yayıb.

Bu, reaktiv mühərriklə təchiz edilmiş UMPB-5R idarəolunan aviasiya bombalarının istifadəsinin yenidən bərpa olunduğunun göstəricisidir.

"Pavloqrad cəbhə xəttindən təxminən 75 kilometr məsafədə yerləşir. Şəhərə endirilən və nəticədə yeddi nəfərin həlak olduğu zərbələr iyulun 20-si, 23-ü və 30-da həyata keçirilib", - nəşr yazıb.

OSINT-in analitiki Klement Molin də hadisə ilə bağlı danışarkən qeyri-adi dərəcədə uzaqmənzilli zərbələrə diqqət çəkib:

"Rusiya təyyarəsi tərəfindən buraxılma nöqtəsindən zərbələrin endirildiyi yerlərə qədər məsafə təxminən 150 kilometr olub, bu da aviasiya bombalarının olduqca böyük uçuş məsafəsinə malik olduğunu göstərir. Bu, düşmənin reaktiv mühərriklə təchiz edilmiş UMPB-5R aviasiya bombalarından istifadəni yenidən bərpa etdiyini göstərə bilər".