ABŞ Prezidenti Donald Tramp Las-Veqas şəhərində keçirilən tədbir zamanı səhnədə təhlükəli vəziyyətlə üzləşən balaca uşağın yıxılmasının qarşısını alıb.

Axar.az xəbər verir ki, bu barədə xarici KİV məlumat yayıb.

Hadisə Trampın iqtisadi siyasətini izah etmək üçün səhnəyə dəvət etdiyi ailə ilə söhbəti zamanı baş verib. Balaca uşaq qəfil səhnənin kənarına doğru hərəkət etdikdə Tramp çıxışını dayandıraraq onun arxasınca gedib və uşağı təhlükəsiz şəkildə ailəsinə qaytarıb. Bu addım tamaşaçıların alqışı ilə qarşılanıb.

Bundan sonra Tramp zarafatla, "İstəmirəm ki, bu səhnədən Bayden kimi yıxılsın" deyərək keçmiş prezident Co Baydenin 2023-cü ildə ABŞ Hərbi Hava Qüvvələri Akademiyasının məzuniyyət mərasimində səhnədə yıxılması hadisəsini xatırladıb.