Rusların üsyan etməsini gözləməyin. Onlar çatışmazlıqlara, növbələrə və hakimiyyətə dözməyə öyrəşiblər.

Axar.az xəbər verir ki, bu barədə “Atlantik” nəşri yazıb.

“Ukraynanın Rusiya iqtisadiyyatı üçün problem yaradan və yanacaq çatışmazlığına səbəb olan uğurlu zərbələrinə baxmayaraq, ölkədə kütləvi etirazlar baş verməyib. Onların yaxın vaxtlarda baş verməsi ehtimalı belə azdır. Ruslar hakimiyyətə qarşı üsyan etməkdənsə, yeni problemlərə daha çox uyğunlaşırlar. Çatışmazlıqlar, növbələr və gündəlik çətinliklər onlar üçün yeni bir şey deyil - Sovet dövründən bəri kölələr dözməyə və gözləməyə öyrəşiblər. Amma əsas məsələ dövlət qorxusudur. Hətta indi də ruslar FTX-yə bildirilməkdən və narazılığın hər hansı bir təzahürünə görə həbs olunmaqdan qorxurlar”, - nəşr bildirib.

Məqalədə qeyd olunub ki, narazı, qorxu və kədər yaşayan rusların sayı artıb:

“Lakin bu, hələ də onları küçələrə çıxarmayıb. Əksəriyyəti hələ də ölkənin düzgün istiqamətdə irəlilədiyinə inanır və problemlərinə görə Putini deyil, Qərbi günahlandırır.

Ukraynanın zərbələri ruslar üçün getdikcə daha çox gündəlik problem yarada bilsə də, onların Kremlə qarşı kütləvi şəkildə üsyan qaldıracağına dair ümidlər hazırda əsassızdır”.