Qazaxıstan Prezidenti Qasım-Jomart Tokayev kişilərin qucaqlaşmasını sərt tənqid edərək, bunu ölkənin adət-ənənələrinə zidd olduğunu bildirib.

Axar.az Lenta.ru-ya istinadən xəbər verir ki, o, bu barədə jurnalistlərlə görüşündə deyib.

Tokayev gənclər arasında qucaqlaşma ənənəsinə işarə edərək, Qazaxıstan xalqının əcdadlarının adət-ənənələrinə qayıtmalı olduğunu vurğulayıb.

"Bu, heç vaxt adət-ənənələrimizin bir hissəsi olmayıb. Xüsusilə də hərbi forma geyinmiş insanlar arasında... Generallar bir-birini qucaqlamağa başlayıb. Bu nədir?", - deyə siyasətçi qeyd edib.

Qazaxıstan Prezidentinin sözlərinə görə, Böyük Vətən Müharibəsində döyüşən Sovet İttifaqı marşallarını belə bir vəziyyətdə təsəvvür etmək mümkün deyildi.