Qazaxıstan Daxili İşlər Nazirliyi narkotik vasitələrin hazırlanması və yayılmasının qarşısının alınması məqsədilə aviasiyanın da cəlb olunduğu “Karasora-2026” profilaktik əməliyyatı keçirib.

Axar.az xəbər verir ki, bu barədə Qazaxıstan Daxili İşlər Nazirliyi məlumat yayıb.

Məlumata görə, əməliyyat zamanı ölkənin cənubunda yerləşən Çuy vadisinə xüsusi diqqət yetirilib:

“Çuy vadisi 60 min hektardan çox ərazini əhatə edir və narkotik cinayətkarlarının diqqətini cəlb edir. Əməliyyat çərçivəsində uçuş aparatlarından, aviasiyadan və kosmik monitorinqdən fəal istifadə olunub. Əməliyyatın üç ayı ərzində narkotiklərlə bağlı 2 mindən çox hüquqpozmanın qarşısı alınıb, 4 mütəşəkkil cinayətkar qrup zərərsizləşdirilib. Bundan əlavə, 21 ton narkotikin qanunsuz dövriyyəyə buraxılmasının qarşısı alınıb”.