İngiltərdə qan donduran cinayət hadisəsi baş verib.

Axar.az xəbər verir ki, 50 yaşlı italyan Stefano Brizzinin 59 yaşlı polis məmuru Qardon Sempli öldürəndən sonra etdikləri dəhşət doğurub.

Narkotik istifadəçisi olduğu iddia edilən Brizzi Qardon ilə tanış olduqdan sonra onu evinə dəvət edib. Birlikdə narkotik istifadə etdikdən sonra Brizzi Qardonu boğaraq öldürüb. Cəsədi isə çəlləyə doldurduğu turşunun içində əritməyə çalışıb.

Brizzi polisə hərəkətini belə izah edib: "Keçən həftə bir polis məmurunu öldürdüm. Cəsədi yox eləməyə çalışdım. Şeytan belə etməyimi tapşırdı".

Brizzi məhkəmədə "Meydan oxuyan"ın (Breaking Bad - ABŞ serialı) heyranı olduğunu və bu üsulu serialda gördüyünü bildirib.

Qeyd edək ki, bütün dünyada maraq oyadan "Meydan oxuyan" serialında Volter Vayt adlı qəhrəman narkotik hazırlayıb satır. Vayt rəqiblərindən birini öldürdükdən sonra cəsədini turşu ilə yox edir.