Türkiyədə “Özata Dənizcilik” şirkətinin səhmləri vasitəsilə həyata keçirdiyi birja əməliyyatları və əldə etdiyi hədsiz qazancdan sonra hakim Ədalət və İnkişaf Partiyasının (AKP) sədr müavini vəzifəsindən istefa verən Fatma Betül Sayan Kaya fonda yatırdığı 63 milyon lirəlik vəsaitin babasından ailə mirası olduğunu açıqlayıb.

Axar.az xəbər verir ki, bu barədə türkiyəli jurnalist Hadi Özişıq məlumat yayıb.

“Şəxsən onunla telefonla danışdım. Mənə ailəsindən qalan xeyli sayda daşınmaz əmlakdan bəhs etdi. Fatma Betül Sayan Kayanın babasından miras qalmış torpaqları var. Bir sözlə, Doğubəyazidin demək olar ki, hamısı ona babasından keçib. O, bunu mənə birbaşa özü deyib”, - o bildirib.