Moskva vilayətində PUA hücumu nəticəsində iki nəfər həlak olub, doqquz nəfər yaralanıb.

Axar.az xəbər verir ki, bunu Moskva vilayətinin qubernatoru Andrey Vorobyov deyib.

Məlumata görə, Barıbino qəsəbəsində xilasedicilər dağılan fərdi yaşayış evinin altından 71 yaşlı kişinin meyitini çıxarıblar. Evdə olan qadın isə xəsarət alıb. Solneçnoqorsk rayonunun Radumlya kəndində 20 yaşlı kişi ölüb. Volokolamsk, Stupino, Dmitrov, Naro-Fominsk, Serpuxov, Domodedovo və İstra şəhərlərində 47 fərdi yaşayış evinə ziyan dəyib. Lobanovo kəndində çoxmənzilli binanın dörd mənzili və yaxınlıqdakı qazanxananın pəncərələri zədələnib. Eyni zamanda, üç avtomobilə ziyan dəyib.

Hücum zamanı Solneçnoqorsk rayonunun Litvinovo kəndindəki anbarda yanğın baş verib.