10:45

Türkiyənin Antalya vilayətində güclü partlayış baş verib.

Axar.az xəbər verir ki, partlayış Ticarət və Sənaye Palatasının avtomobil parkında olub.

Hadisə yerinə xeyli təcili tibbi yardım briqadası cəlb olunub. Partlayış nəticəsində Palatanın binası və yaxınlıqdakı digər binalara ciddi ziyan dəyib.

İnsidentin səbəbi hələlik məlum deyil.

***

Antalyada baş verən partlayış nəticəsində 4 avtomobilə ciddi ziyan dəyib.

Hadisəyə səbəb Palatanın avtomobil parkındakı bomba yüklü avtomobil göstərilsə də, rəsmilər belə bir informasiyanı hələlik təsdiq etməyib.

Antalya Bələdiyyəsinin sədri Məndərəs Türel verdiyi açıqlamada hadisənin qəza ola biləcəyini deyib. O, bir neçə nəfərin yüngül yaralandığını bildirib.

Qeyd edək ki, bu gün Məndərəs Türel günortadan sonra Palatanı ziyarət edəcəkdi. Bələdiyyə sədrinin 150 iş adamı qarşısında çıxışı nəzərdə tutulurdu.