Ana səhifə Planet |
ABŞ bir zamanlar məni və ailəmi təhdid edib.
Axar.az xəbər verir ki, bunu TASS agentliyinə müsahibəsində Bosniya və Hersoqovinanın tərkibində yer alan Serb Respublikasının Prezidenti Milorad Dodik söyləyib.
“Bu təzyiq və tələblərin ən pik mərhələsi 2006-cı ildə Vaşinqtonda baş tutan danışıqlar oldu. Mən o zaman Sarayevo polisinin əlimizdən alınmasının, Serb Respublikasının adının dəyişdirilməsinin, Bosniya və Hersoqovina rəhbərliyinə bir sədrin seçilməsinin əleyhinə çıxdım. Belə olmasaydı, bunların hamısında müsəlman boşnaklar olardı. O zaman ABŞ dövlət katibinin müavini Nikolas Berns mənə dedi ki, əgər razılaşmasam, mən və ailəm ABŞ-ın gücünü öz simalarında hiss edəcəklər”, – deyə o bildirib.
Qeyd edək ki, Dodik Bosniya və Hersoqovinanın bölünməsinin əsas tərəfdarlarından biridir. O, Bosniyanın serblər yaşayan hissəsinin Serbiyaya birləşdirilməsi və ya müstəqil olmasını istəyir.
Tarix
2017.03.02 / 11:01
|
Müəllif
İlkin Həsənov
|