İranda ötən cümə günü Mehrabad aerodromunda görünən ABŞ təyyarəsi ilə bağlı sirr məlum olub.

"Axar.az" xəbər verir ki, İranla ABŞ arasında ticarət fəaliyyətinin qadağan edilməsinə baxmayaraq, Oqdendəki "Utah Bank"ına məxsus təyyarənin Tehranda görünməsi mediada böyük əks-səda doğurmuşdu.

İran Xarici İşlər Nazirliyi açıqlamasında təyyarənin Qanaya məxsus ofis tərəfindən kirayə götürüldüyünü, Qanaya aid sənədləri daşıdığını və içində amerikalı olmadığını bildirərək, söz-söhbətlərə son qoyub.

Həmçinin qanalı səlahiyyətlilər də iki ölkə arasında əməkdaşlığı inkişaf etdirmək üçün danışıqlar aparacaqlarını bildiriblər.