Ana səhifə Planet |
16:37
Türkiyənin Adıyaman əyalətində 5,8 bal gücündə zəlzələ olub.
Axar.az xəbər verir ki, yeraltı təkanlar ölkənin Diyarbəkir, Qaziantep, Batman, Şanlıurfa, Qəhrəmanmaraş və Malatya bölgələri də daxil olmaqla, bir çox əyalətlərdə hiss edilib.
Fövqəladə Hallar Nazirliyinin Adıyaman əyalətinin başçısı Osman Ərtoğrul Altuğ bildirib ki, insan tələfatı olmasa da, dağıntılar var.
Onun sözlərinə görə, Adıyamanda Müsəllə məscidinin minarəsi dağılıb.
Adıyamanın Akdamar kəndinin icra başçısı Nəcməddin Öztürk CNN Türk-ə müsahibəsində güclü zəlzələnin olduğunu deyib:
“15 ev uçdu. Kənddə iki nəfər yaralanıb. Kənddəki evlərin yarısı dağılıb. Evlərə girmək mümkün deyil”.
Qeyd edək ki, güclü zəlzələnin ardınca 4.2, 3.8 və 4.4 bal gücündə daha 3 təkan qeydə alınıb.
***
Türkiyənin Adıyaman vilayətinin Samsat mahalında növbəti zəlzələ baş verib.
Axar.az xəbər verir ki, yeraltı təkanların 4 bal gücündə olduğu bildirilib.
Zəlzələnin episentrinin 9.14 km dərinlikdə meydana gəldiyi vurğulanıb.
Tarix
2017.03.02 / 22:22
|
Müəllif
Kamran Ədalət
|