"Rusiya qoşunlarının Ukrayna sərhəddindən geri çəkilməsinin əlamətləri görünmür".

Bu sözləri NATO-nun baş katibi Rasmussen bildirib. O, bunu mayın 8-də Polşanın baş naziri Tuskla görüşdən sonra deyib.

Bir gün əvvəl Rusiya prezidenti Vladimir Putin Ukrayna sərhəddində olan Rusiya qoşunlarının öz düşərgələrinə qayıtdığını bildirmişdi. Bundan sonra Rasmussen demişdi ki, Rusiya qoşunlarının sərhəddən çəkilməsi görünmür.

Rusiyanın Xarici İşlər Nazirliyi öz növbəsində Rusiya qoşunlarının geri çəkilməsini görmədiyinə görə NATO-nun baş katibi Rasmussenə "kor" demişdi.

Bu gün isə Rasmussen "kor" ifadəsinə cavab verib: "Mənim gözüm çox yaxşı görür". /ANS/