Rusiya parlamentinin alt qanadının Beynəlxalq Əlaqələr Komitəsinin sədri Aleksey Puşkov Rusiyanın hava məkanını Ukraynaya bağlamaqla təhdid edib.

"Axar.az" xəbər verir ki, Puşkov Rusiyaya qarşı dostcasına münasibət göstərməyən hər hansı bir ölkəyə eyni şəkildə cavab vermək haqqlarının olduğunu bildirib.

Puşkov Ukraynanın hərəkətlərinin mənfi nəticələr doğuracağı ilə bağlı xəbərdarlıq edib:

"Biz hələ hökumətini müəyyənləşdirməmiş ölkəyə bizə qarşı bu şəkildə davranmasına icazə verə bilmərik. Əgər belə bir addım təkrarlanarsa, Rusiya lazım olduğu anda uçuşlara maneə törətmə haqqını özündə saxlayır".

Qeyd edək ki, Rusiya prezidenti Vladimir Putinin xüsusi nümayəndəsi Dimitri Roqozinin təyyarəsi Ukraynanın hava məkanını bağlaması səbəbindən istiqamətini dəyişdirmək məcburiyyətində qalmışdı. Moldovadan geri qayıdarkən bu dəfə də Rumıniya tərəfindən maneə rast gələrək, rotasını dəyişdirmişdi.