CXP lideri və Türkiyənin Enerji naziri hadisə yerində müqavimətlə qarşılaşıb.

"Axar.az" Türkiyə mətbuatına istinadən xəbər verir ki, Türkiyənin ana müxalifət partiyası olan CXP lideri Kamal Kılıçdaroğlu, Enerji və təbii qaynaqlar naziri Taner Yıldız Somaya gediblər. Onlar hadisə olan mədənə girmək istədikdə insanlar onları yaxına buraxmayıb və geri dönməyə məcbur olublar. "24 saat oldu, hələ övladlarımızı xilas etmədiniz!" şüarları səsləndirən itkin düşən və həlak olanların yaxınları hələ də hökumətə müqavimət göstərməkdə davam edir.

Kılıçdaroğlu və Taner Akhisar xəstəxanasına aparılan yaralı işçilərə baş çəkiblər.

Xatırladaq ki, Manisa əyalətinin Soma şəhərində mədəndə baş verən partlayış nəticəsində 245-dən çox insan həlak olub, 100-lərlə yaralı var.