Rusiya Prezidenti Putin Avropa Birliyinin "Cənub axını" ilə əlaqədar mövqeyini tənqid edib.

Axar.az xəbər verir ki, Putin AB-nin "Cənub axını" təbii qaz layihəsinin həyata keçirilməsinə maneə törədəcəyi halda birliyin üzvü olmayan ölkələr vasitəsi ilə layihəni həyata keçirə biləcəklərini bildirib:

"Biz Şimal və Cənub axını layihələrini reallaşdırmağın tərəfdarıyıq. Lakin "Cənub axını" ilə əlaqədar yenə də problemlər olarsa, AB üzvü olmayan ölkələr üzərindən layihəni nəzərdən keçirərik".

Qeyd edək ki, bu ilin aprel ayında Enerji və Təbii Sərvətlər naziri Taner Yıldız Moskvanın "Cənub axını" layihəsini Türkiyə torpaqlarından keçirməsi tələbinin ola biləcəyi halda bunu dəyərləndirəcəklərini qeyd edib.

Rəsmi Ankaranın "Cənub axını" ilə bağlı da təklifi var. Təklifə görə, qaz kəmərinin Qara dənizin altından və Türkiyə torpaqlarından keçirməklə Avropaya çıxarılması daha az xərc tələb edəcək.