Qərbin sanksiya siyasəti nə Rusiyanın, nə də Krımın taleyinə təsir etməyəcək.

Axar.az xəbər verir ki, bu barədə İsrail xüsusi xidmət orqanlarının keçmiş rəhbəri Yakob Kedmi danışıb.

“Bilmirəm sanksiyalar aradan qalxacaq, onları qəbul edəcəklər, ya yox. Amma Kremlin nöqteyi-nəzərindən Krım Rusiya ərazisidir. Rusiyaya qarşı sanksiyalar uzun illərdir mövcud olub. Məsələn, Baltikyanı ölkələrin Sovet ittifaqına daxil edilməsi. Onda Qərb deyirdi ki, bunu heç vaxt bağışlamayacaq. Rusiya iqtisadiyyatı və sənayesi nə qədər güclü olsa, bir o qədər də sanksiyalar formal xarakter daşıyacaq. Yaxın vaxtlarda Avropa Birliyi ABŞ-ın diktəsi olmadan Rusiya ilə münasibətləri yoluna qoymağa başlayacaq. Bütün ölkələr Moskva ilə iqtisadi əlaqələr qurmaq üçün yollar axtaracaq”, - Kedmi bildirib.