Kazım Qarabəkirin qızı Timsal Qarabəkir, Sırrı Sakıkın Qarabəkir adını küçə və prospektlərdən silinəcəyi açıqlamasına reaksiya verib.

Daha öncə Ağrın yeni bələdiyyə sədri BDP-çi Sırrı Sakık Kazım Qarabəkir Paşanın adını bütün küçə və prospektlərdən siləcəyi açıqlamasını vermişdik. Publika.az xəbər verir ki, bu açıqlamadan sonra Kazım Qarabəkir Paşanın qızı Timsal Qarabbəkir "atam olmasaydı, Sırrı Sakıkı bu cür azad danışa bilməzdi" deyib:

"Bu gün Naxçıvanda kimdənsə Qarabəkiri soruşsan atası kimi sevdiyini deyəcək. Atam Ərzurum, Qars, Ağrı, Sarıqamışın azad olunmasında öndə gedən komandirlərdəndir. Görəsən Respublikanı quran Atatürk, İsmət, Fəvzi və Kazım Paşalar olmasaydı Sakık kimilər indi bələdiyyə sədri seçilər bilərdilərmi? Kazım Qarabəkir vətənpərvər, inanclı birisi idi. Heç vaxtı insanlar arasında türk, kürd, ərəb, çərkəz deyə ayrı-seçkilik etməyib. Həm ruslara qarşı, həm də erməni qruplaşmalara qarşı savaşıb. Yetim qalan türk, kürd, erməni uşaqlara sahib çıxıb. Bu uşlaqların uşaq evlərində sağlam bir şəkildə böyüyüb, peşə sahib olmaları üçün çalışıb. Atam bu torpaqlarda yaşayan insanların azadlığı üçün canını ortaya qoymuşdu. Ağrılı qardaşlarım bu haqsızlığı qəbul etməyəcəklərinə inanıram".