Havicənin azad edilməsinə başçılıq etmiş general-leytenant Abdul Əmir Rəşid Yarallah əməliyyatlar zamanı 150 kəndin azad edildiyini, 385 İŞİD-çinin məhv olunduğunu və daha 6 terrorçunun əsir alındığını bildirib.

Bu haqda məlumatı İraq Jurnalistlər Birliyinin üzvü Əhməd Əbd Əlhüseyn Axar.az-a verib.
Abdul Əmir Rəşid Yarallah həmçinin öz çıxışında qeyd edib ki, Havicənin azad olunması zamanı 95 bombalı maşın, 422 ədəd partlayıcı qurğu, 5 partlayıcı kəmər və 5 partlayıcı qurğular hazırlanan mərkəz zərərsizləşdirilib.

O, tezliklə İraqda terrorçuların neytrallaşması əməliyyatının ikinci mərhələsinin uğurla başa çatacağını vurğulayıb.