Çində Hilari Klintonun kitabına qadağa qoyulub.

Axar.az xəbər verir ki, ABŞ-ın sabiq Dövlət katibi Hilari Klintonun yeni nümayiş olunan "Hard Choices" ("Çətin Seçənəklər") adlı kitabının Çində satışa çıxmayacağı açıqlanıb.

656 səhifəlik kitab Klintonun real həyatda yaşadıqlarından bəhs edir. Eyni zamanda kitabın bir hissəsində Çin hökumətinin Asiyada yürütdüyü anti-demokratik hərəkatdan bəhs edilir. Buna görə də kitabın bu ölkədə satışına qadağa qoyulub.

Xatırladaq ki, kitabın ərsəyə gəlməsində böyük rolu olan "Simon və Scuster"in rəhbəri Conatan Karp qadağanın uğursuz bir qərar olduğunu bildirib.