6 illik hakimiyyətim ərzində nüfuzuma kölgə salacaq hərəkətlərə yol vermədikləri üçün ailə üzvlərimə təşəkkür edirəm.

Axar.az xəbər verir ki, bu barədə Qırğızıstanın eks-prezidenti Almazbek Atambayev Sooronbay Jeenbekovun andiçmə mərasimində çıxışı zamanı bildirib.

“Qırğızıstan respublikasının yeni prezidenti vəzifəsinin icrasına başladı. Bununla da mənim prezident kimi fəaliyyətim başa çatdı. Allaha çox şükür. Bütün vətəndaşlarımıza, tərəfdarlarıma daimi dəstəyə görə minnətdarlığımı bildirirəm. Mən ötən 6 il ərzində nüfuzuma kölgə salmamaq üçün əllərindən gələni etmiş keçmiş birinci xanım - həyat yoldaşım və uşaqlarıma minnətdarlığımı bildirmək istəyirəm”, - Atambayev qeyd edib.

Atambayev yeni seçilmiş prezidentin Qırğızıstanın inkişaf və rifahı üçün seçdiyi yolu layiqincə davam etdirəcəyinə əmin olduğunu bildirib.